Elektron səsvermə sistemlərində kriptoqrafik metod və alqoritmlərin işlənib hazırlanması
«İnformasiya sistemləri və prosesləri» ixtisası üzrə doktorantura (2024-cü ildən), Kibertəhlükəsizlik kafedrası, Azərbaycan Texniki Universiteti
01
Dissertasiyanın mövzusu
Seçkiyə eyni anda iki şey lazımdır: hər bülleten gizli qalmalı, hər kəs isə nəticənin düzgün hesablandığını yoxlaya bilməlidir. Praktik elektron səsvermə sxemlərinin çoxu faktorlaşdırmaya və ya diskret loqarifmə əsaslanır, böyük kvant kompüteri isə bunları sındıracaq.
Dissertasiyada qəfəslər üzərində qurulan elektron səsvermə üçün kriptoqrafik metodlar işləyib hazırlayıram: homomorf hesablama, sıfır biliklə sübutları olan öhdəliklər, bir neçə seçki orqanı arasında bölünmüş hədd hesablaması və yoxlanıla, tətbiq edilə bilən konkret parametrlər.
- Postkvant səsvermə
- Qəfəs əsaslı öhdəliklər
- Hədd kriptoqrafiyası
- Homomorf hesablama
- Yoxlanılabilənlik
- Konkret parametrlər
02
Son preprint
Cryptology ePrint Archive · 2026/2500
Threshold Post-Quantum E-Voting from Lattice Commitments
T-EVOLVE qəfəs əsaslı EVOLVE elektron səsvermə protokolunun hədd versiyasıdır. Səslər öhdəliyin mesaj fəzasında Şamir sxemi ilə bölünür, ona görə də nəticəni n seçki orqanından istənilən t-si tamamlaya bilər: t − 1 orqanın sövdələşməsində gizlilik qorunur, hamısı sövdələşsə belə nəticə yoxlanıla bilən qalır.
Orqanların bir-birinə şikayətlərini, o cümlədən deşifrlənməyən şifrmətnlərlə bağlı şikayətləri hər kəs yoxlaya bilər. Məqalədə gizlilik, yoxlanılabilənlik, fərdi yoxlanılabilənlik və dayanıqlıq sübut olunur; ona C dilində reallaşdırma əlavə olunub.
t of norqan nəticəni tamamlayır
109 KB«hə/yox» bülleteni, 4 orqan
≈ 3 minbir nüvədə 10⁴ bülleten üçün
T-EVOLVE necə işləyir, addım-addım
Protokolun interaktiv izahı: bülleten öhdəliklə bağlanır və bölünür, orqanlar onu yoxlayır və onlardan istənilən t-si nəticəni bərpa edir.
Tezliklə04
Kod
Tədqiqat kodudur: sabit vaxtlı deyil və audit olunmayıb. Real seçkilər üçün istifadə etməyin.
t-evolve-cryptoalgCT-EVOLVE-un və eyni kod bazasında EVOLVE bülleteninin istinad reallaşdırması: NTT ilə halqa arifmetikası, Qauss seçiciləri, BDLOP öhdəlikləri, Şamir bölgüsü, sübutlar, aqreqasiya və hesablama. Məqalədəki ölçmələri təkrarlayır.evolve_cCT-EVOLVE-un əsaslandığı EVOLVE protokolunun (del Pino, Lyubashevsky, Neven, Seiler, CCS 2017) nüvəsinin istinad reallaşdırması.pq-evoting-paramsPythonDərc olunmuş qəfəs əsaslı səsvermə parametrlərinin konkret təhlükəsizliyini lattice estimator-un sabit bir versiyası ilə yenidən qiymətləndirir, tam loqlarla.pailliervsbfvPythonSəsvermə sisteminin şifrləmə qatı kimi Paillier və BFV-nin müqayisəsi üçün eksperimentlər.